“Usamos cookies propias e de terceiros para fines estatísticos, análise de uso e medición da nosa páxina web. En ningún caso se utilizarán as cookies para recoller información de carácter persoal.”

Se continúa navegando consideramos que acepta o seu uso

Acepto

Compartir

Acendidos da rede de telefonía móbil con tecnoloxía 5G na semana do 26 de febreiro ao 3 de marzo.

26/02/2024: Entre os días 26 de febreiro e 3 de marzo, os operadores de telefonía móbil teñen previsto o acendido de diversas estacións para a emisión do sinal de telefonía móbil con tecnoloxía 5G, na banda de frecuencia de 700 MHz, que permitirá aos usuarios mellorar, entre outras,  a velocidade das conexións o consumo dos dispositivos e a cobertura móbil no interior das vivendas.

Segundo a información trasladada, os operadores de telefonía móbil, acenderán nestes días novas estacións 5G en concellos que xa dispoñían destes servizos, en concreto, Coirós, Corcubión, A Coruña, Ferrol, Miño, Narón, O Pino, Sada, Ribeira, Xove, Pantón, Pol, Xinzo de Limia, Laza, Oímbra, Ourense, Vilar de Barrio, O Grove, Lalín, Mos e Pontevedra.

Compre sinalar que estes acendidos poden causar, en determinados casos, interferencias na recepción do sinal de televisión. Os cidadáns que estean neste caso, precisan instalar un filtro 5G que anule o sinal de telefonía que están a captar as antenas de televisión, para o que deberán poñerse en contacto coa entidade xestora llega700, creada polos operadores de telefonía móbil, para que lles informe ao respecto.

Esta entidade leva a tramitación das interferencias  5G no sinal de televisión, a través do teléfono 900 833 999 ou da súa páxina web www.llega700.es, e deberá:

  • Analizar e, no seu caso, resolver as afectacións á recepción do sinal de Televisión Dixital Terrestre debidas ao acendido dunha estación base,  comunicadas polos cidadáns nun prazo de seis meses desde dito acendido.
  • Resolver as afectacións comunicadas nun un prazo máximo de 5 días hábiles, a contar desde a comunicación da afectación.

Ademais, o custe de todas as actuacións necesarias para resolver as afectacións será gratuíto para os cidadáns.

 

Mapa 5G Galicia
(Ver mapa despregamento 5G en Galicia)

 

Acendidos da rede de telefonía móbil con tecnoloxía 5G na semana do 19 ao 25 de febreiro.

19/02/2024: Entre os días 19 e 25 de febreiro, os operadores de telefonía móbil teñen previsto o acendido de diversas estacións para a emisión do sinal de telefonía móbil con tecnoloxía 5G, na banda de frecuencia de 700 MHz, que permitirá aos usuarios mellorar, entre outras,  a velocidade das conexións o consumo dos dispositivos e a cobertura móbil no interior das vivendas.

Segundo a información trasladada, o concello no que se producirá un novo acendido é o de Mañón.

Os operadores de telefonía móbil, tamén acenderán nestes días novas estacións 5G en concellos que xa dispoñían destes servizos, en concreto, Arteixo, Boiro, Cambre, A Coruña, Mugardos, Narón, Oleiros, Rianxo, As Somozas, Oza-Cesuras, Guitiriz, O Incio, Outeiro de Rei, Viveiro, Maceda, Baiona, Pazos de Borbén e Vilagarcía de Arousa.

Compre sinalar que estes acendidos poden causar, en determinados casos, interferencias na recepción do sinal de televisión. Os cidadáns que estean neste caso, precisan instalar un filtro 5G que anule o sinal de telefonía que están a captar as antenas de televisión, para o que deberán poñerse en contacto coa entidade xestora llega700, creada polos operadores de telefonía móbil, para que lles informe ao respecto.

Esta entidade leva a tramitación das interferencias  5G no sinal de televisión, a través do teléfono 900 833 999 ou da súa páxina web www.llega700.es, e deberá:

  • Analizar e, no seu caso, resolver as afectacións á recepción do sinal de Televisión Dixital Terrestre debidas ao acendido dunha estación base,  comunicadas polos cidadáns nun prazo de seis meses desde dito acendido.
  • Resolver as afectacións comunicadas nun un prazo máximo de 5 días hábiles, a contar desde a comunicación da afectación.

Ademais, o custe de todas as actuacións necesarias para resolver as afectacións será gratuíto para os cidadáns.

 

Mapa 5G Galicia
(Ver mapa despregamento 5G en Galicia)

 

Publícanse as axudas para comprar receptores HD para o servizo SAT TDT.

15/02/2024: Hoxe publicáronse no Diario Oficial de Galicia, as bases reguladoras para a convocatoria de axudas económicas destinadas a cubrir investimentos para o receptor de TDT a través de satélite (Sat-TDT) que se realicen en fogares situados en zonas en risco de exclusión dixital, co obxecto de asegurar a correcta recepción e decodificación dos sinais de Televisión dixital en alta definición HD.

Poden solicitar ditas axudas todas as persoas físicas que residan nunha vivenda unifamiliar establecida nunha zona que non dispoña de cobertura dalgunha canle do servizo de televisión dixital terrestre. Unicamente se poderá solicitar unha subvención por cada vivenda.

As axudas están destinadas a adquisición dun receptor de TDT por satélite en alta definición, para o acceso ao servizo de Sat-TDT.  Poderase solicitar axuda para a primeira vivenda, onde se ten censada a residencia habitual, cunha contía máxima de 400€ IVE incluído, ou para as segundas vivendas, sendo neste caso a contía máxima da axuda de 200€, IVE incluído.

Estas axudas teñen carácter retroactivo. Admitiranse as solicitudes daquelas adquisicións realizadas dende o 1 de xaneiro de 2024 e serán atendidas por orde de entrada.

As solicitudes presentaranse preferiblemente por medios electrónicos, na sede electrónica da Xunta de Galicia, https://sede.xunta.gal, seleccionando o procedemento PR853B. Opcionalmente, poderán presentarse presencialmente en calquera dos lugares e rexistros  establecidos na normativa reguladora do procedemento administrativo común.

O prazo para solicitar a axuda remata o 31 de maio de 2024.

Toda a documentación para a solicitude das axudas pode atoparse no seguinte enlace ao DOG:

https://www.xunta.gal/dog/Publicados/2024/20240215/AnuncioC3B0-130224-0003_gl.html

Cese das emisións en definición estandar (SD) das canles de televisión dixital terrestre.

15/02/2024: Na madrugada de onte 14 de febreiro, data  límite para culminar o proceso de migración das emisións da televisión en definición estandar ás de alta definición (HD), tal e como estaba previsto, produciuse o cese das emisións regulares do sinal de TDT das canles en definición estandar (SD).

 Desde ese momento todas as canles de cobertura nacional pasaron a realizar as súas emisións en alta definición (HD).

Si se bota en falta algunha canle,  e se comprobou que o televisor é compatible cas emisións en HD, o mais recomendable e realizar unha resintonización das canles de televisión.

Si se comprobou que o televisor non é compatible coas emisións en HD, recoméndase facerse cun sintonizador externo que cumpra cas especificacións da televisión en alta definición, e conectalo ao televisor a través do conector HDMI, ou a través dun dispositivo de conversión, ou mercar un novo televisor, que obrigatoriamente debe contar cun sintonizador para as emisións en HD.

RTVE cesa as emisións en definición estandar (SD) das súas canles de televisión.

13/02/2024: Radiotelevisión Española cesou as emisións regulares do sinal de TDT das súas canles en definición estandar (SD) o pasado 11 de febreiro, días antes da data  límite para culminar o proceso de migración das emisións da televisión en Definición Estandar ás de Alta Definición (HD), establecida para o 14 de febreiro.

RTVE segue emitindo  as súas canles de televisión: La 1, La 2, 24horas, Clan e TDP (Teledeporte), pero unicamente en alta definición, HD.

Neste proceso, os contidos foron reorganizados, o que pode provocar, dependendo do televisor,  que algunhas canles se moveran, se engadiran ao final da lista de canles ou desapareceran. En concreto, a canle que mais probablemente puido sufrir algún destes movementos é Teledeporte, xa que pasou a emitirse nun múltiple distinto ao que se emitía ata o de agora.

De xeito que, si se bota en falta esta canle, ou algunha das outras de RTVE, e se comprobou que o televisor é compatible cas emisións en HD, o mais recomendable e realizar unha resintonización das canles de televisión.