Más de mil familias poden solicitar xa as axudas para equipamentos de recepción da TDT vía satélite nos concellos incluídos no programa de desenvolvemento rural sostible en Galicia
29/06/13 - A Xunta de Galicia, a través da Secretaría Xeral de Medios, en colaboración coa Administración Xeral do Estado, van destinar máis de 501.110 euros no exercicio 2013 para subvencionar a adquisición de equipamentos para a recepción da TDT a través do satélite, para familias sen cobertura que vivan nas zonas a revitalizar do Programa de Desenvolvemento Rural Sostible en Galicia, pertencentes, fundamentalmente, aos concellos do interior de Lugo e de Ourense. Está previsto que esta subvención beneficie, no presente exercicio, máis de 1.000 familias. A axuda será tramitada directamente a través dos instaladores autorizados que colaboran coa Xunta de Galicia. O prazo para que os beneficiarios presenten as solicitudes (a través dos instaladores autorizados) comeza hoxe e rematará o 30 de setembro.
O servizo de TDT por satélite (Sat-TDT) permite disfrutar de xeito gratuíto das canles de TDT nas vivendas onde non chega o sinal terrestre ou o sinal non ten a calidade axeitada para a correcta recepción. Serán subvencionables as novas instalacións do servizo de TDT a través de satélite, podéndose solicitar como máximo un equipamento por usuario e vivenda. Ademais, co fin de non discriminar ás familias que xa teñan instalado pola súa conta un equipo para a recepción deste servizo, estas poderán solicitar subvención para un segundo receptor na súa vivenda.
A Xunta prevé prorrogar este plan ata o ano 2015, o que suporá un investimento total de máis de 800.000 euros e beneficiará arredor de 3.000 familias de 78 concellos do interior de Lugo e de Ourense.
Accede á nota de prensa completa
A Secretaría Xeral de Medios destinará en 2013 preto de 300.000 euros á adquisición de equipamentos de recepción da TDT por satélite, o que beneficiará a máis de 1.000 familias
26/01/13 - A Xunta de Galicia, a través da Secretaría Xeral de Medios, en colaboración coa Administración Xeral do Estado, van destinar case 300.000 euros no exercicio 2013 para subvencionar a adquisición de equipamentos para a recepción da TDT a través do satélite, para familias sen cobertura que vivan nas zonas a revitalizar do Programa de Desenvolvemento Rural Sostible en Galicia, pertencentes, fundamentalmente, aos concellos do interior de Lugo e de Ourense. Prevese que esta subvención, que será de ata 300 euros por fogar, beneficie, no presente exercicio, máis de 1.000 familias. A axuda será tramitada directamente a través dos instaladores autorizados que colaboren coa Xunta de Galicia.
O servizo de TDT por satélite (Sat-TDT) é un servizo que permite disfrutar de xeito gratuíto das canles de TDT nas vivendas onde non chega o sinal terrestre ou o sinal non ten a calidade axeitada para a correcta recepción. Serán subvencionables as novas instalacións do servizo de TDT a través de satélite, podéndose solicitar un máximo dun equipamento por usuario e vivenda. Ademais, co fin de non discriminar as familias que xa teñan instalado este servizo, estas poderán solicitar un segundo receptor na súa vivenda.
Accede á nota de prensa completa
A Xunta pon en marcha iTera, unha aplicación para móbiles de nova xeración que ofrece información precisa sobre a cobertura de TDT en toda Galicia
22/02/12 - A Xunta de Galicia, a través da Secretaría Xeral de Medios, ven de presentar a posta en marcha de iTera, unha aplicación para teléfonos móbiles de nova xeración, -os chamados smartphones- e para os tablets, dirixida principalmente a técnicos e instaladores de telecomunicación, pero que pode utilizar calquera cidadán de balde e que permite determinar o grado de cobertura de TDT do lugar onde nos atopamos, os canles que se reciben, os centros emisores que nos prestan o servizo e a configuración e orientación da antena de recepción nos nosos fogares.
iTera é una aplicación de realidade aumentada, xa que utilizando a cámara de fotos, o GPS e a conexión do noso smartphone, permite ver na pantalla do teléfono os centros emisores de TDT, con tódolos datos técnicos, e calcula o grado e nivel de sinal de cada un dos múltiplex dixitais, dando unha información moi precisa sobre a TDT para calquera punto de Galicia.
Accede á nota de prensa completa.
Axudas para a compra de receptores TDT para persoas con discapacidade visual grave
http://www.red.es/perfil-del-contratante/procedimiento/id/1024/bases-reguladoras-del-plan-ayudas-compra-receptores-television-digital-para-personas-con-discapacidad-visual-grave-reconocida-.html
O Goberno aproba un novo plan de actuacións para a liberación do dividendo dixital
18/11/11 - O Consello de Ministros aprobou o pasado venres 18 de novembro o Plan Marco polo que se establecen as actuacións necesarias para a liberación das frecuencias radioeléctricas que constitúen o chamado dividendo dixital, para que poidan ser utilizadas polos operadores de telecomunicacións para prestar servizos avanzados de comunicación electrónicas.
O seu obxectivo é que a banda de frecuencias 790-862 MHz, actualmente utilizada pola televisión, quede libre antes de 2015 para servizos de banda larga.
Entre outros eixos, inclúe a planificación das frecuencias radioeléctricas, un plan de despregamento da rede técnica e un plan de compensación para a emisión temporal en simulcast e para a adaptación, nos casos nos que sexa necesario, das instalacións receptoras.
Ademais incorpora unha serie de actuacións de comunicación dirixidas aos cidadáns e administracións.
Accede á nota de prensa completa:
http://www.mityc.es/es-es/gabineteprensa/notasprensa/documents/npplandividentodigital181111.pdf