O Goberno avisa de que recuperar as axudas ilegais da TDT podería deixar sen televisión a 1,2 millóns de persoas

24/10/13 - O Goberno advertiu ao Tribunal de Xustiza da Unión Europea de que recuperar as axudas ilegais concedidas a partir de 2005 para facilitar a chegada da TDT a zonas remotas tras o 'apagamento analóxico', tal e como esixiu Bruxelas, pode deixar sen televisión a 1,2 millóns de persoas e provocar o peche de "moitos dos provedores" que se beneficiaron. A pesar desta petición, Luxemburgo rexeitou os argumentos de España e cualificou de "suposicións" as advertencias do Goberno.

O Executivo, a través da Avogacía do Estado, pedira o Tribunal de Luxemburgo que aprazase provisionalmente a recuperación desas axudas, cifradas en máis de 236 millóns de euros, ata que haxa un fallo firme sobre o recurso que España presentou contra a decisión da Comisión Europea, que declarou en xuño ilegais as axudas por discriminar a outras tecnoloxías, como o satélite, en favor da TDT.

Co propósito de tratar de aprazar a decisión de Bruxelas, España alegou ante o tribunal que a recuperación desas axudas pode implicar "a interrupción do servizo de TDT nas zonas remotas e menos urbanizadas das comunidades autónomas", o que "impediría a 1.200.000 habitantes, incluídas grandes bolsas de grupos desfavorecidos de cidadáns tales como anciáns e poboación con rendas baixas, exercer o seu dereito fundamental á información ao privarlles da posibilidade de acceso a calquera canle de televisión".

Ampliar información –
http://www.europapress.es/nacional/noticia-gobierno-avisa-recuperar-ayudas-ilegales-tdt-podria-dejar-television-12-millones-personas-20131024144950.html

Fonte –
http://www.europapress.es/

escort bayan ,escort, atasehir escort