04/06/12 - Nin o Goberno nin as compañías de móbil nin as cadeas de televisión. Ao final pagarán os de sempre. As comunidades de veciños deberán facerse cargo da maior parte dos gastos da resintonización de 1,4 millóns de antenas de televisión que será necesaria polo novo apagamento da televisión dixital terrestre (TDT) que terá lugar a partir do próximo outono, como consecuencia da nova reordenación de frecuencias para deixar espazo á telefonía móbil de cuarta xeración (4G)

O Goberno anterior comprometeuse pola Lei de Economía Sustentable a asumir completamente eses custos, que poden ascender a 800 millóns de euros, segundo os cálculos do Executivo. A cambio, recibiu das operadoras de telefonía móbil máis de 1.800 millóns de euros nas poxas que tiveron lugar o verán pasado para a asignación desa franxa de frecuencias ocupada até agora polas canles de televisión, e coñecida como dividendo dixital.

Pero a situación crítica pola que atravesan as contas públicas ha propiciado que o Goberno de Mariano Rajoy só vaia a subvencionar con 45 millóns esa reantenización, cargando o resto do custo até os 800 millóns ao contribuínte, neste caso, as comunidades de veciños e os particulares que habiten en vivendas unifamiliares.

O ministro de Industria, José Manuel Soria, e o seu equipo tentaran negociar coas empresas de televisión mitigar o proceso á conta de recortar á metade o número de canles a migrar co fin de facer máis alcanzable o proceso. Pero as cadeas consideran que ese recorte equivalería a unha expropiación. E as operadoras de móbil, como é lóxico, non queren nin ouvir falar de asumir ningún custo adicional tras o pago das frecuencias e o compromiso de que sería a Administración a que asumise os custos. Así que Industria optou pola solución máis fácil: que pague o usuario.

O anuncio non se fixo oficial, pero confirmouno un cargo subalterno de Industria, en concreto, o subdirector xeral do Espectro da Secretaría de Estado de Telecomunicacións (SETSI), Antonio Fernández-Paniagua, na súa intervención na XXXIV Asemblea Xeral da Federación Nacional de Instaladores de Telecomunicacións (FENITEL), celebrada en Vigo o pasado venres.

Ampliar información –
http://economia.elpais.com/economia/2012/06/03/actualidad/1338748197_741423.html

Fonte –
http://www.elpais.com