08/06/12 - O operador de satélite SES Astra Ibérica avisou de que o novo apagamento da Televisión Dixital Terrestre (TDT), que implicará a migración de parte das cadeas dunha frecuencia a outra para permitir a chegada a España de tecnoloxías móbiles de 4G e que comezará previsiblemente despois do verán, provocará interferencias e custos adicionais aos usuarios e pediu que se dea liberdade para que cada un poida elixir outras tecnoloxías, como o satélite ou o cable.

Así, o director xeral de SES Astra Ibérica, Luís Sahún, sinalou a Europa Press que a posibilidade de expansión da TDT nun futuro é "ningunha", dado que o espazo radioeléctrico polo que viaxan os sinais das televisións é limitado e, co novo 'apagamento', vaise a restrinxir aínda máis, o que imposibilita a creación de novas canles e impide desenvolver unha televisión en Alta Definición de calidade como no resto de Europa.

Ademais, o director de Desenvolvemento de Negocio de SES Astra-Ibérica, Miguel Pingarrón, advertiu de que, unha vez que se complete este novo 'apagamento' da TDT, é probable que algunhas canles se vexan con interferencias, o que obrigará aos usuarios a comprar filtros para evitalas, segundo xa avisou o regulador británico Ofcom, órgano homólogo á Comisión Nacional das Telecomunicacións (CMT), en Inglaterra, onde tamén se están dando os pasos para a chegada das tecnoloxías de 4G.

Ampliar información –
http://www.europapress.es/nacional/noticia-astra-avisa-nuevo-apagon-tdt-provocara-interferencias-pide-libertad-elegir-otras-tecnologias-20120608124515.html

Fonte –
http://www.europapress.es/