Adaptación da instalación
Comproba a túa instalación
A Televisión Dixital Terrestre recíbese nos fogares a través da instalación de antena de televisión convencional, xa sexa individual ou colectiva, para o que, nalgúns casos, pode resultar necesaria unha pequena adaptación destas instalacións.
- En vivendas con instalación de antena individual:
En principio non será necesaria unha adaptación específica a non ser que a instalación requira substituír ou renovar parte da instalación (amplificador, cableado, repartidores, …)
- En edificios con instalación colectiva:
Será necesario, como mínimo, a adaptación dos equipos de cabeceira de televisión engadindo amplificadores das canles dixitais. Tamén deberá terse en conta a antigüidade da vivenda e o estado de conservación da instalación xa que pode ser necesario realizar unha adaptación para a recepción de todas as canles de TDT.
Precisarase, polo tanto, consultar cun instalador rexistrado ou cunha empresa instaladora de telecomunicacións autorizada polo Ministerio de Enerxía, Turismo e Axenda Dixital..
Atopa instaladores
Para a adaptación das instalacións de recepción débese contactar cunha empresa instaladora de telecomunicacións homologada. Desta forma serán profesionais cualificados os que valoren e realicen as actuacións que a instalación do edificio precise. A continuación, descríbese o procedemento a seguir para modificar a instalación da antena colectiva.
- Poñerse en contacto co presidente da comunidade no caso de pertencer a un edificio de instalación colectiva
- Contactar con varias empresas instaladoras de telecomunicación inscritas no Rexistro de Instaladores de Telecomunicacións e especialistas en instalacións de televisión dixital.
- Acordar as actuacións necesarias coas empresas instaladoras para realizar a actualización da instalación, mediante a solicitude dun orzamento detallado coas medidas a levar a cabo e custo asociado.
- Unha vez aprobado o orzamento, contratar á empresa que mellor se axuste ás súas expectativas para a realización dos servizos contemplados.
- Finalmente, logo de realizar a instalación, a comunidade de propietarios deberá esixir á empresa instaladora o Boletín de Instalación e o seu correspondente Protocolo de Probas como garantía da instalación, documento que é necesario para calquera reclamación ante os organismos competentes.
Aquí pode buscar os instaladores rexistrados máis próximos á súa vivenda