Preguntas frecuentes

Nos sinais analóxicos (por exemplo, na transmisión de radio ou televisión convencional), o sinal eléctrico que se transmite a través de ondas magnéticas garda unha gran semellanza co son ou a imaxe que a orixinou, por iso denomínase analóxico, que provén de análogo. Os sinais dixitais, en cambio, non gardan ningunha semellanza co estímulo que as orixinou e están formadas por unha combinación de ceros e uns (díxitos). A principal vantaxe dos sinais dixitais fronte ás analóxicas é que son moito menos sensibles ao ruído e ás interferencias, o que permite unha maior calidade de transmisión.

A televisión analóxica é o sistema tradicional de televisión que utiliza ondas magnéticas para transmitir e mostrar imaxes e sons. É o sistema que se veu empregando desde o inicio das emisións de televisión. Nestes momentos atopámonos nun período de transición, no que coexisten tanto emisións en analóxico como en dixital. A transmisión analóxica continuará ata o 3 de abril de 2010, data prevista para o cesamento das emisións en analóxico, tamén denominado “apagamento analóxico”. A partir dese momento só se emitirá en dixital.

A TDT é a evolución da actual televisión convencional que pasa de ser analóxica a dixital o que permitiría ver un maior número de canles cunha maior calidade tanto de imaxe como de son e dispor de novos servizos avanzados (EPG, Teletexto dixital, contidos interactivos, etc). Actualmente, xa existe unha ampla oferta de canles e servizos de TDT de carácter nacional, autonómico e local, que se ampliará progresivamente con novas canles, ata completar a oferta de TDT tras o apagado analóxico. Existen plans similares noutros países da Unión Europea co obxectivo de proceder á total dixitalización da difusión de televisión. Coñece outros sistemas de televisión

• Maior número de canles de televisión. A dixitalización da televisión permite usar de xeito máis eficiente o espectro radioeléctrico, incrementando o número de canles dispoñibles. O resultado máis visible para os espectadores é un incremento na oferta do número de canles dispoñibles. Por iso na maioría das zonas do visionado actual de 6 a 8 canles de televisión pasarase a máis de 25 canles.
• Mellor imaxe e son. A transmisión dixital eliminará ruídos, interferencias e dobre imaxe, é dicir, ofrecerá maior calidade de imaxe eliminando o efecto néboa dos nosos televisores. Así mesmo, pódese ofrecer máis contidos con formato da imaxe en panorámico (16/9), múltiples subtítulos e unha mellor calidade de son (parecida á que proporciona un CD), con efectos surround multicanle e multilingüe. Os espectadores poderán gozar da espectacularidade do cine ou do DVD a través do sinal da antena.
• Mais servizos A dixitalización do sinal e o mellor aproveitamento do ancho de banda, permite que as televisións ofrezan novas funcionalidades que van máis aló os simples contidos audiovisuais e que reforcen a experiencia do telespectador. A dixitalización permite numerosos servizos avanzados: teletexto dixital cunha contorna moito máis visual e amigable, servizos interactivos, guía electrónica de programas (EPG), canles de radio, pago por visión, visión multicámara, acceso a Internet, etc. Desta forma os telespectadores deixan de ser un elemento pasivo da televisión para converterse en parte activa da mesma.
• Recepción móbil e portátil As emisións de televisión dixital, a diferenza doutros sistemas de televisión dixital (como satélite ou cable), permiten a recepción portátil e móbil. A televisión dixital pode ser recibida, sempre que estea situado dentro da zona de cobertura, por un aparello de televisión cunha simple antena telescópica (similar á dunha radio). Ademais non só pode ser recibida en calquera lugar de xeito estático, senón que tamén en movemento (como, por exemplo, en medios de transporte tales como un autobús, un tren ou ata coches particulares). Ademais a televisión dixital poderá verse en PDAs, teléfonos móbiles, videoconsolas portátiles, etc. e para iso faise uso da norma estándar DVB-H, adaptación da DVB-T para dispositivos móbiles.

A continuación preséntanse as principais diferencias entre estes catro medios de transmisión:

A cobertura da TDT vén determinada polo Plan Técnico Nacional da Televisión Dixital Terrestre, (PTNTDT) que contempla a súa introdución progresiva, co obxectivo de que os prestadores deste servizo cubran ao 95-98% da poboación para 2010, con vistas a proceder nesa data á transición dixital (apagamento analóxico).

En consecuencia, salvo as modificacións oportunas nos casos que se precise, as infraestruturas de captación e distribución no fogar actualmente utilizadas para a Televisión Terrestre Analóxica poderán ser utilizadas para facilitar a recepción no fogar da televisión dixital terrestre, a condición de que a cobertura de TDT xa quedase asegurada para esa zona.

Comproba a túa cobertura

A partir do 4 de abril de 2010 só se emitirá en dixital. Para entón deberá haber adaptado a súa instalación comunitaria, en caso de que fose necesario (instalación), e comprado un sintonizador TDT (sintonizadores).

En España, a TDT concibiuse como unha tecnoloxía sustitutiva da actual analóxica, que deberá "apagarse" segundo un calendario previsto, polo que se ten cobertura é recomendable adaptarse canto antes.

Se queres continuar gozando da televisión que agora ves de forma analóxica deberás realizar a adaptación da instalación de recepción e adquirir un sintonizador TDT antes de que se produza o "apagado analóxico".

A data prevista a nivel estatal para o cesamento total das emisións analóxicas é o 3 de abril ano 2010. Xa que logo as previsións son de que a partir do 4 de abril de 2010 emítase só en dixital. O calendario detallado de apagado está definido no Plan Técnico de Transición Dixital no que se recolle que o apagamento producirase de xeito paulatino por Proxectos de Transición específicos.

Proxectos de Transición en Galicia

Existen plans similares noutros países da Unión Europea co obxectivo de proceder á total dixitalización da difusión de televisión.

A televisión dixital terrestre (TDT) recíbese nos fogares a través das antenas convencionais, para o que pode resultar necesaria unha pequena adaptación desas instalacións de recepción (antenas colectivas ou individuais). Con todo, para poder ver os contidos de televisión dixital e acceder aos servizos adicionais é necesario ademais dispor dun receptor de TDT, ben externo (descodificador), ou interno (televisor integrado).

Para comezar a disfrutar da TDT só tes que seguir tres sinxelos pasos:

• Comprobar que te atopas nunha zona de cobertura de TDT.
  
  • Comproba a túa cobertura

• Ter adaptada a instalación de cabeceira de televisión para recibir canles TDT.
  
  • Procura o teu instalador máis próximo
• Dispoñer dun equipo receptor de TDT.
  
  • Escolle a túa mellor opción.

Hai varios xeitos. A máis fiable é comprobándoo ti mesmo cun decodificador e unha antena adaptada. Se queres saber aproximadamente a cobertura de antemán, pode consultar o seguinte enlace: http://gis.tdtgalicia.es/mapguide/TDT/inicio.php

O Ministerio de Industria, Turismo e Comercio tamén puxo a disposición xeral unha web onde se indica a cobertura por Códigos Postais: http://www.televisiondigital.es/terrestre/cobertura/

Para a recepción de televisión dixital terrestre pódese utilizar a antena clasicamente empregada para o servizo de televisión analóxica convencional (sempre que as condicións de recepción sexan boas). Non é necesario logo cambiar de antena.

Nalgunhas ocasións haberá que realizar algunhas operacións na cabeceira da antena, e ata reorientar a antena. Por todo iso, aconsellámoslle consultar cunha empresa instaladora de telecomunicacións autorizada polo Ministerio de Industria, Turismo e Comercio.

Procura o teu instalador máis próximo.

Dependerá en cada caso de como se atope a canalización. Na gran maioría non se precisará, pero no peor dos casos habería que pagar 100 euros adicionais por toma de antena que haxa en cada fogar.