“Usamos cookies propias e de terceiros para fines estatísticos, análise de uso e medición da nosa páxina web. En ningún caso se utilizarán as cookies para recoller información de carácter persoal.”

Se continúa navegando consideramos que acepta o seu uso

Acepto

Compartir

Latest

Acendidos da rede de telefonía móbil con tecnoloxía 5G na semana do 22 ao 28 de xaneiro.

22/01/2024: Entre os días 22 e 28 de xaneiro, os operadores de telefonía móbil teñen previsto o acendido de diversas estacións para a emisión do sinal de telefonía móbil con tecnoloxía 5G, na banda de frecuencia de 700 MHz, que permitirá aos usuarios mellorar, entre outras,  a velocidade das conexións o consumo dos dispositivos e a cobertura móbil no interior das vivendas.

Segundo a información trasladada, o concellos no que se producirá un novo acendido é o de As Somozas.

Os operadores de telefonía móbil, tamén acenderán nestes días novas estacións 5G en concellos que xa dispoñían destes servizos, en concreto, Boiro, Cambre, Culleredo, Ferrol, Oleiros, As Pontes de García Rodríguez, Porto do Son, Begonte, Baralla, Baiona, Moaña e Mos.

Compre sinalar que estes acendidos poden causar, en determinados casos, interferencias na recepción do sinal de televisión. Os cidadáns que estean neste caso, precisan instalar un filtro 5G que anule o sinal de telefonía que están a captar as antenas de televisión, para o que deberán poñerse en contacto coa entidade xestora llega700, creada polos operadores de telefonía móbil, para que lles informe ao respecto.

Esta entidade leva a tramitación das interferencias  5G no sinal de televisión, a través do teléfono 900 833 999 ou da súa páxina web www.llega700.es, e deberá:

  • Analizar e, no seu caso, resolver as afectacións á recepción do sinal de Televisión Dixital Terrestre debidas ao acendido dunha estación base,  comunicadas polos cidadáns nun prazo de seis meses desde dito acendido.
  • Resolver as afectacións comunicadas nun un prazo máximo de 5 días hábiles, a contar desde a comunicación da afectación.

Ademais, o custe de todas as actuacións necesarias para resolver as afectacións será gratuíto para os cidadáns.

Inicio dos ceses das emisións de Televisión Dixital Terrestre con calidade estandar (SD).

As canles de televisión de ámbito autonómico son as primeiras en cesar as súas emisións en SD.

16/01/2024: Segundo o establecido legalmente, o 14 de febreiro de 2024  remata o prazo para que as canles de televisión evolucionen as súas emisións á alta definición (HD).  Polo tanto, antes desta data todas as canles da TDT deberán cesar as súas emisión en definición estándar.  

Algunhas canles públicas autonómicas xa comezaron a realizar as súas emisións soamente en HD, e está previsto que, de xeito escalonado, outras canles tamén o fagan durante as próximas semanas, ata completar o proceso na data prevista.  

A canle de televisión autonómica de Estremadura, “Canal Extremadura” iniciou na madrugada do 16 de xaneiro as súas emisións en alta definición, e advirte que os televisores que non permitan a recepción do sinal en HD, xa non poderán gozar dos seus contidos.

Hoxe tamén está previsto que a canle publica autonómica canaria deixe de emitir o seu sinal de TDT en SD, e comece a emitir exclusivamente en HD, igual que a canle catalá TV3. As canles catalás 3/24, Esport3 e SX3/33, que non se emitían simultaneamente en SD e HD,  pasarán directamente a emitirse en HD.

O resto de canles autonómicas cesarán as súas emisións SD, para emitir exclusivamente en HD, durante o mes de febreiro. En concreto, está previsto que a CRTVG cese as emisións das súas canles TVG e TVG2 en SD o día 12 de febreiro.  

Respecto ás canles estatais, os ceses darán comezo o 6 de febreiro, co cese das emisións SD das canles públicas nacionais,  e rematarán o 14 de febreiro co cese para o resto de canles.

De cara a informar á cidadanía deste proceso, o Ministerio de Transición Dixital publicou na web www.televisiondigital.es información sobre os aspectos claves do proceso, a resposta ás preguntas frecuentes e un vídeo informativo, que tamén será emitido nas canles de televisión.

Recoméndase comprobar que o seu receptor de televisión está preparado para a recepción da TDT en alta definición do seguinte xeito:

  1. Resintonizar o seu receptor de televisión para que recolla todas as canles que se emiten na súa ubicación.
  2. Comprobar que no televisor aparecen as canles de TDT con calidade de alta definición, por exemplo: TVG HD, La 1 HD, Cuatro HD..., e que as visualiza correctamente.

Se despois de realizar estes pasos non  visualiza ningunha canle en formato HD, o seu receptor de televisión non está preparado para este cambio, polo que, para continuar vendo todas as canles de TDT, deberá cambiar o receptor de televisión ou mercar un dispositivo adaptador para a recepción en alta definición.  

Para mais información,

https://televisiondigital.mineco.gob.es/TelevisionDigital/tecnologias/AD/Paginas/canales_alta_definicion.aspx , ou chamando ao teléfono 910 30 54 21.

Fontes:

https://rtvc.es/desde-este-martes-tvc-comenzara-a-emitir-unicamente-en-hd/

https://www.ccma.cat/premsa/3cat-savanca-a-lapagada-sd/nota-de-premsa/3270488/

https://www.canalextremadura.es/noticias/television/que-tienes-que-hacer-para-ver-canal-extremadura-en-hd-dudas-y-respuestas

Cese das emisións de Televisión Dixital Terrestre con calidade estandar (SD).

 

Afectará aos receptores de televisión mais antigos, que non poderán descodificar o sinal da TDT en alta definición (HD)

27/12/2023: Esta actuación encamíñase dentro dos plans do Ministerio de Transición Dixital e do previsto no  Real Decreto 391/2019, de 21 de xuño, polo que se aproba o Plan técnico Nacional da Televisión Dixital Terrestre e se regulan determinados aspectos para a liberación do segundo dividendo dixital, modificado posteriormente polo Real Decreto 16/2023, de 17 de xaneiro,  establecendo que todas as canles de televisión, calquera que sexa o seu ámbito de cobertura, nacional, autonómico ou local, deberían evolucionar as súas emisións  a alta definición antes do 14 de febreiro de 2024.  Polo tanto, a partir desta data todas as canles da TDT deberán emitir unicamente en alta definición (HD).

De cara a informar á cidadanía deste proceso, o Ministerio de Transición Dixital ven de publicar na web www.televisiondigital.es información sobre os aspectos claves do proceso, a resposta ás preguntas frecuentes e un vídeo informativo, que tamén será emitido nas canles de televisión.

Por outra banda, o calendario previsto para o cese das emisións con calidade estandar farase de xeito escalonado, comezando o 6 de febreiro co cese das emisións SD das canles públicas nacionais, seguido das canles autonómicas o día 12,  e rematando o 14 de febreiro co cese para o resto de canles:

Calendario cese emisions SD

Nas canles que actualmente se emiten en SD emitirase un cartel indicando o próximo cese das emisións desa canle con calidade estandar e informando de que poderá continuar recibíndoa en alta definición (HD).

Recoméndase comprobar que o seu receptor de televisión está preparado para a recepción da TDT en alta definición do seguinte xeito:

  1. Resintonizar o seu receptor de televisión para que recolla todas as canles que se emiten na súa ubicación.
  2. Comprobar que no televisor aparecen as canles de TDT con calidade de alta definición, por exemplo: TVG HD, La 1 HD, Cuatro HD..., e que as visualiza correctamente.

Se despois de realizar estes pasos non  visualiza ningunha canle en formato HD, o seu receptor de televisión non está preparado para este cambio, polo que, para continuar vendo todas as canles de TDT, deberá cambiar o receptor de televisión ou mercar un dispositivo adaptador para a recepción en alta definición.  

Se vostede recibe a sinal de TDT por satélite, a través do servizo SAT TDT e non visualiza no seu televisor as canles en alta definición, deberá poñerse en contacto cun instalador autorizado. Pode atopar o listado dos instaladores na páxina web www.sattdt.es  pinchando no enlace: Consulte los distribuidores homologados para instalar receptores.

Para mais información,

https://televisiondigital.mineco.gob.es/TelevisionDigital/tecnologias/AD/Paginas/canales_alta_definicion.aspx ou chamando ao teléfono 910 30 54 21.

 

 

Acendidos da rede de telefonía móbil con tecnoloxía 5G na semana do 15 ao 21 de xaneiro.

15/01/2024: Entre os días 15 e 21 de xaneiro, os operadores de telefonía móbil teñen previsto o acendido de diversas estacións para a emisión do sinal de telefonía móbil con tecnoloxía 5G, na banda de frecuencia de 700 MHz, que permitirá aos usuarios mellorar, entre outras,  a velocidade das conexións o consumo dos dispositivos e a cobertura móbil no interior das vivendas.

Segundo a información trasladada, o concellos no que se producirá un novo acendido é o de Bóveda.

Os operadores de telefonía móbil, tamén acenderán nestes días novas estacións 5G en concellos que xa dispoñían destes servizos, en concreto, Arteixo, Foz, Lugo, Vilalba, Ourense e Vigo.

Compre sinalar que estes acendidos poden causar, en determinados casos, interferencias na recepción do sinal de televisión. Os cidadáns que estean neste caso, precisan instalar un filtro 5G que anule o sinal de telefonía que están a captar as antenas de televisión, para o que deberán poñerse en contacto coa entidade xestora llega700, creada polos operadores de telefonía móbil, para que lles informe ao respecto.

Esta entidade leva a tramitación das interferencias  5G no sinal de televisión, a través do teléfono 900 833 999 ou da súa páxina web www.llega700.es, e deberá:

  • Analizar e, no seu caso, resolver as afectacións á recepción do sinal de Televisión Dixital Terrestre debidas ao acendido dunha estación base,  comunicadas polos cidadáns nun prazo de seis meses desde dito acendido.
  • Resolver as afectacións comunicadas nun un prazo máximo de 5 días hábiles, a contar desde a comunicación da afectación.

Ademais, o custe de todas as actuacións necesarias para resolver as afectacións será gratuíto para os cidadáns.

 

Mapa 5G Galicia
(Ver mapa despregamento 5G en Galicia)

 

A TDT apraza o terceiro dividendo dixital ata despois do 2031.

20/12/2023: O pasado 15 de decembro rematou a Conferencia Mundial de Radiocomunicacións 2023 (CMR23). Nesta conferencia os países de todo o mundo reúnense para tomar decisións sobre o uso do espectro radioeléctrico no futuro, evitando interferencias e facilitando o desenvolvemento tecnolóxico.

O sector do broadcast e o das comunicación electrónicas móbiles estaban á expectativa das resolucións finais da CMR23, xa que estaba en xogo o uso futuro das frecuencias que actualmente están reservadas en exclusiva para o servizo de Televisión Dixital Terrestre, as frecuencias 490 a 694 MHz da banda UHF. Esta banda está moi cotizada xa que, para as comunicacións electrónicas móbiles,  ofrece maior cobertura e penetración en edificios.

A resolución 235 garante que non se tocarán esas frecuencias ata o 2031, ano no que se celebrará a seguinte Conferencia Mundial de Radiocomunicacións e se volva a examinar a situación e necesidades futuras de uso do espectro. Polo tanto, queda blindado en Europa ese anaco de espectro para o servizo gratuíto da televisión.

Despois de dous dividendos dixitais, nos que houbo que liberar as frecuencias que estaban a ser utilizadas pola televisión para o seu uso para as comunicacións móbiles, esta resolución da un respiro ás concesionarias do servizo de TDT e tamén aos usuarios, xa que garante que non haberá cambios nas frecuencias de emisión da TDT. En calquera caso, a data para establecer un posible terceiro dividendo dixital está fixada para 2031, emprazando aos países a que participen activamente nos estudos de revisión de uso do espectro e necesidades das aplicacións de radiodifusión e servicios móbiles dentro da banda 470-694 MHz, que serán presentados no CMR31 para a toma de decisións de posibles accións regulamentarias.

Fonte: https://www.itu.int/dms_pub/itu-r/opb/act/R-ACT-WRC.15-2023-PDF-E.pdf