“Usamos cookies propias e de terceiros para fines estatísticos, análise de uso e medición da nosa páxina web. En ningún caso se utilizarán as cookies para recoller información de carácter persoal.”

Se continúa navegando consideramos que acepta o seu uso

Acepto

Compartir

Artículos

Que tecnoloxías existen para a difusión da televisión dixital?

O acceso á televisión dixital no fogar pode realizarse a través de diferentes tecnoloxías: mediante ondas terrestres, satélite, cable ou protocolos de internet (IP). En Europa, estas tecnoloxías están baseadas nas especificacións DVB (Digital Video Broadcasting).

A televisión dixital terrestre consiste na transmisión do sinal dixital de televisión a través da atmosfera mediante ondas radioeléctricas terrestres que se reciben nas vivendas por medio de antenas UHF. Para a visualizacións das canles de televisión é preciso contar cun decodificador do sinal de TDT. Na actualidade todos os televisores véndense cun receptor TDT incorporado. O estándar para a transmisión da Televisión Dixital Terrestre é o DVB-T. A súa evolución é o DVB-T2.

A televisión dixital satelital consiste na retransmisión do sinal de televisión dixital emitido desde algún punto da Terra cara amplas zonas xeográficas, a través de satélites de comunicacións. A captación do sinal realízase a través de antenas parabólicas instaladas nas vivendas e orientadas cara o satélite. Para a visualización das canles de televisión é preciso dispoñer dun receptor satelital. O estándar utilizado en España para a transmisión da Televisión Dixital vía satélite é o DVB-S e o DVB-S2.

A televisión dixital por cable consiste na distribución do sinal de televisión dixital a través de redes híbridas de fibra óptica e cable coaxial. Os operadores de televisión por cable aproveitan ditas redes para proporcionar a maiores servizos de pago por visión (Pay per view), telefonía e acceso a Internet. Para a visualización das canles de televisión é preciso contratar o servizo a través dun operador de cable que ofreza cobertura na ubicación da vivenda, que proporcionará ao usuario un equipo sintonizador externo que haberá que conectar ao televisor. O estándar utilizado en Europa é o DVB-C.

A televisión dixital sobre o protocolo de Internet (IPTV) consiste na transmisión do sinal de televisión dixital a través dunha rede de banda ancha por medio de protocolos asimétricos (xDSL) ata chegar á vivenda por medio da liña IP ou ADSL telefónica. Pola mesma liña ofrécense os servizos de voz, acceso a internet e televisión. Ao igual que na televisión por cable, é preciso contratar o servizo a través dun operador de rede, que proporcionará ao usuario un módem e un equipo sintonizador externo que haberá que conectar ao televisor.

Que é LovesTV?

LovesTV é a plataforma de contidos con tecnoloxía HbbTV impulsada por RTVE, Atresmedia e Mediaset. Esta plataforma agrupa os contidos dos tres grupos de comunicación e pode accederse a ela nos televisores que conten coa tecnoloxía HbbTV 1.5 ou superior.

A plataforma permite aos usuarios a visualización da última semana e a posibilidade de visualizar un programa desde o inicio aínda que a súa emisión xa comezara, entre outras funcionalidades.

Que é a TV en Streaming?

O Streaming é unha tecnoloxía que permite visualizar un arquivo de son ou vídeo directamente desde internet sen descargalo previamente no dispositivo. Isto ofrece a posibilidade de escoitalo ou visualizalo onde e cando o usuario queira.

Para poder ver a televisión en streaming é preciso que o dispositivo (televisor, teléfono móbil, tableta...) permita a conexión a internet e o usuario dispoña dunha conexión de banda larga que permita descargas a velocidades de a lo menos 5Mbps para visualizar en Alta Definición, e de 25Mbps para Ultra Alta Definición.

As plataformas de televisión en Streaming mais populares en España son MovistarTV, Vodafone TV, Orange TV, Sky, que ofrecen a visualización das canles de televisión convencionais, mais cine e series propias, Netflix, HBO, Amazon Prime Video, Filmin, Rakuten TV cun amplo catálogo de cine e series, e as plataformas que ofrecen deportes DANZ, OpenSport, beIN Connect.

Que é a HbbTV?

Hybrid Broadcast Broadband TV ou “HbbTV” é unha iniciativa creada para harmonizar a emisión de televisión (Broadcast) e os servizos de banda ancha (Broadband) co fin de que os consumidores poidan acceder a novos servizos de entretenemento e interactuar con todos os contidos dixitais que ofrezan as cadeas de televisión, tales como vídeo baixo demanda (VoD), votacións en directo, publicidade interactiva, xogos en rede, redes sociais, a través dos seus televisores. O HbbTV é unha evolución do tradicional teletexto.

Para poder conectarse aos servizos ofrecidos polas cadeas de televisión, é necesario que o televisor teña incorporado o estándar HbbTV ou engadir un módulo adicional aos receptores externos.

Que é a Ultra Alta Definición (UHDTV)?

Ultra High Definition Television (Televisión de Ultra Alta Definición) ou UHDTV é un formato de televisión que permite acadar niveis de calidade das imaxes mais preto da imaxe real. A resolución e calidade da imaxe UHD é, como mínimo, catro veces superior á alta definición convencional.

As emisións de televisión dixital terrestre en ultra alta definición en España deberá cumprir que a súa resolución vertical sexa igual ou superior a 2160 liñas activas cunha relación de aspecto 16:9, e utilizar un sistema de codificación de vídeo conforme a norma H.265/HEVC.

Para conseguir visualizar estas emisións débese dispor dun televisor compatible 4K/UHD (que soporte a norma H.265)